Les mots surlignés font l'objet d'une note
1Monsieur, je receup hyer sur les quatre heures après midy
2votre letre escripte du mesme jour et incontinent rendis celle
3qu’escriviés aux consulz de ceste ville au consul maître Fleury,
4pour l’absence de monsieur du Chastelard qui estoit allé à
5Domeyne ; et sur le poynt se trouva home seur qui print
6sur soy de porter seurement votre paquet adressé aux consulz
7de Gap, aynsi que ledit maître Fleuri me certifia conforme. Quant
8aux copies des letres du roy du XXII et XXIIIIme, qu’il
9vous a pleu m’envoyer, pource qu’on ne trovoyt home allant
10à Dye, j’ay employé le vicayre de monsieur de Grenoble à
11les fère tenir par home exprès, dont monsieur de Grenoble
12c’est chargé ce jourd’huy matin en la chambre, où je l’ay prié
13se trover pour ouyr lecture desdites letres, que j’ay estimé
14estre de votre volunté qu’on communiqua à tous messieurs, et
15luy ay balié lesdites copies dressées par mon beau-frère. Si
16pis n’advient, je ne voy en ce lieu aulcung signal de
17remuement, et moyns aujourdhuy que hyer, où peut-estre
18on trouva d’arrivée noveau d’avoyr veu plus de garde que
19de costume ; mays aujourd’huy, nous avons tenu l’audience
20sans aulcune espèce de changement pour le cas survenu. Ce
21matin j’ay ouy le tabourin de Suysses à la dyane, qui
22a soné comme du temps de guerre ; de ma part, je ne le
23treuve maulvais et ne me suys enquis qui l’a ordoné.
24Mesdictz sieurs me chargearent il y a deux jours de dresser
25quelques letres à aulcung de messeigneurs du Conseil privé
26pour les prier de nous garder une orelie et ne croyre
27facilement les pleyntes de Du Chelar et Cugy. Si nous n’avons
28melieur moyen, je croy que monsieur de Fiansayes vous
29[v°] adressera ledit paquet, qu’il vous plaira mettre dans le votre
30pour estre rendu seurement. Nous escrivons aussi à monsieur Ruzé
31pour recovrer s’il est possible le double des articles qui
32nous concernent pour, s’il est besoyn, y respondre et ne
33perdre nompas, tant peu[t] diminuer la bone reputation qu’il
34a pleu à sa magesté prendre de nous, qui nous est plus chère
35que chose de ce monde. Je remarquey ung traict resultat
36de voz responses, c’est que telles crieries n’estoyent sorties
37que de la passion d’aulcungs ; s’il y avoyt moyen en ce temps
38qui y semble estre propre, d’en retirer dextrement declaration d’une
39bone partie de ceulx à qui en verité nous avons doné toute
40occasion de contentement, ce seroyt à mon advis renverser par
41le pied leur desseyn, et avec ung desadveu de gens mieulx
42nez et moyns ingratz, rendre honteux les poursuyvans.
43Quoy que ce soyt, je seitz votre conscience et la nostre
44nette en cest endroict, qui me fera esperer en Dieu qu’il
45soubstiendra notre cause. Je le voys prier,
46Monsieur, vous doner, en santé, heureuse et longue vie, sa
47grace. De Grenoble, ce XXXe d’aoust 1572.
48Votre très humble
49Serviteur
50G deportes
51